Surxondaryo viloyati hokimi To‘ra Bobolovda koronavirus aniqlanib, Toshkentga olib kelingani ma’lum bo‘ldi
Sog‘liqni saqlash vazirligi Jamoatchilik bilan aloqalar bo‘limi Surxondaryo viloyati hokimi To‘ra Bobolovda koronavirus aniqlanganini tasdiqladi.
Qayd etilishicha, Toshkent shahrida davolanayotgan Surxondaryo viloyati hokimi To‘ra Bobolovning hamda Nukus shahridagi klinikada davolanayotgan Qoraqalpog‘iston Respublikasi Jo‘qorg‘i Kengesi raisi Musa Yerniyazov holati ham tahlil qilingan.
«Bugungi kunda ularning holati stabil deb topildi, olib borilayotgan davolash taktikasi to‘g‘riligi va Jahon sog‘liqni saqlash tashkiloti tomonidan ishlab chiqilgan standartlar asosida olib borilayotgani ta’kidlandi», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter