Sirdaryoda kuchli shamol ko‘pqavatli uy tomini uchirib yubordi (foto)
30-yanvar kuni Sirdaryo viloyati, Xovos tumanida joylashgan ko‘p qavatli uyning tom qismini qattiq shamol uchirib yuborgan.
Voqea joyiga zudlik bilan tuman FVB Yong‘in-qutqaruv xizmati xodimlari yetib borib, falokat oqibatlarini bartaraf etishga kirishgan.
Hodisa guvohlarining ma’lum qilishicha, sodir bo‘lgan hodisa natijasida insonlarning halok bo‘lishi yoki tan jarohati olishi kuzatilmagan.
Sirdaryo viloyati Uy-joy kommunal xizmat ko‘rsatish boshqarmasi tomonidan ma’lum qilinishicha, ushbu binoning tom qismi 2019-yil yoz oylarida profnastil bilan kapital ta’mirlangan.
Eslatib o‘tamiz, avvalroq Andijonda ham shunday hodisa kuzatilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter