Qishloq xo‘jaligi vazirligi paxta terimi bo‘yicha narxlar haqidagi xabarlarni rad etdi
Ijtimoiy tarmoqlarda «Paxta terimi uchun yangi to‘lov narxlari e’lon qilindi» sarlavhasi ostida xabarlar tarqaldi. Mazkur xabar yuzasidan Qishloq xo‘jaligi vazirligi rasmiy munosabat bildirdi.
Qayd etilishicha, paxta terimi uchun to‘lov narxlari har yili mavsum boshlanishi munosabati bilan, muayyan bir muddatda belgilanadi va bozor tamoyillarini hisobga olgan holda hukumat tomonidan tasdiqlanadi. Terimning har bir turi uchun alohida narx belgilanadi, so‘ng barcha OAV orqali e’lon qilinadi.
«Ayni kunlarda paxta terimiga narx belgilash bo‘yicha ishlar vazirliklar bilan kelishuv jarayonida. Bunda uning birinchi va ikkinchi terimi uchun (navlarini hisobga olib) qancha narx belgilanishi aniq ko‘rsatiladi», – deyiladi vazirlik xabarida.
Shuningdek, vazirlik ommaviy axborot vositalari vakillari hamda blogerlarni tarqatilayotgan axborotning ishonchliligini tekshirish va xolis axborot taqdim etish lozimligiga chaqirib qolgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter