Qirg‘izistonda davlat tilini qo‘llab-quvvatlash uchun milliy sun’iy intellekt platformasi ishga tushirildi
Davlat tili bo‘yicha milliy komissiya Aytil (aitil.kg) platformasini taqdim etdi — qirg‘iz tili bilan ishlash uchun birinchi keng ko‘lamli sun’iy intellekt vositasi. Uni yaratish uchun 4 yildan ko‘proq vaqt kerak bo‘ldi.
Asosiy funksiyalar:
🔴Matn ➡️ nutq (qirg‘iz tilida ovoz sintezi)
🔴Nutq ➡️ matn (audio transkripsiya)
🔴Tarjimon (10 ta til, jumladan rus, ingliz, xitoy tillarini qo‘llab-quvvatlaydi)
🔴Video tarjimasi (avtomatik transkripsiya va subtitrlarni tarjima qilish)
🔴Chatbot (qirg‘iz tilida yordamchi)
🔴OCR-tanib olish (skanerlash va fotosuratlardan matnni chiqarish)
Davlat tili Milliy komissiyasi rahbari Melis Murataliyevning ta’kidlashicha, “Aitil” raqamli muhitda qirg‘iz tilini targ‘ib qilish, davlat xizmatlari va axborotlardan foydalanishni soddalashtirish, shuningdek, ta’limni qo‘llab-quvvatlash imkonini beradi.
Platforma rivojlanib, davlat idoralari va ta’lim loyihalari bilan integratsiyalashuvi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter