«Qachon Marsga uchamiz?». Ilon Mask eng ko‘p beriladigan savolga javob qaytardi
«SpaceX» kompaniyasi asoschisi Ilon Mask 2,5 soatlik intervyu berdi, suhbat davomida insoniyat nihoyat Marsga parvoz qilishga qachon tayyor bo‘lishiga ham aniqlik kiritib o‘tildi. Bu haqda «Futurism» yozmoqda.
Savol berilganidan keyin 20 soniyacha o‘ylanib turgan Maskning javobi shunday bo‘ldi: «Uzog‘i bilan — 10 yilda». Biz sayyoralararo turga aylanishimiz kerak, qo‘shimcha qildi u.
Maskning ta’kidlashicha, ko‘p martalik «SpaceX Starship» raketasi shu paytgacha qurilgan raketalar orasida eng murakkabi. U odamlarni Marsga xavfsiz eltishi kerak.
Hozirda «SpaceX» astronavtlarni Xalqaro kosmik stansiya (XKS)ga muntazam eltmoqda, «Starship» raketasi esa NASA astronavtlarini Oyga eltish dasturiga qo‘shildi.
Ta’kidlab o‘tish kerak, Maskning «o‘n yili»da Marsni o‘zlashtirish emas, balki bu sayyoraga fazogirlar yoki tadqiqotchilar missiyasining ilk qadam qo‘yishi nazarda tutilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter