Ijtimoiy tarmoqlarda Ichki ishlar organi va Milliy gvardiya xodimi ishtirokidagi yana bir videolavha taqaldi. Unda ikki nafar organ xodimi fuqaroni majburan avtomashinaga tiqishga harakat qilayotgani ko‘rinadi.

Ayni jarayonda Milliy gvardiya xodimi fuqaroni bo‘ynidan bo‘g‘ib olgani, atrofdagi odamlarning «bo‘g‘yapsiz, o‘ldirib qo‘yasiz!» degan gaplari eshitiladi. Aftidan, ichki ishlar va milliy gvardiya xodimlari fuqaroni niqob taqmaslikda ayblamoqda. Ularning changalida tipirchilayotgan fuqaro esa «maskam bor», deydi...

Voqelik kuni kecha Qoraqalpog‘istonda yuzga bergani aytiladi.

Mazkur lavhani bizga jo‘natgan manbamiz unga yana bir suratni ham ilova qiladi. Suratda  Muynoqdagi «Oq kema» oromgohi ochilishida ishtirok etayotgan mahalliy va respublika miqyosidagi rahbarlar (deputatlar, senatorlar) aks etgan bo‘lib, ular orasida niqob taqqanidan ko‘ra taqmaganlarii ko‘p.  Buning uchun ularga hech kim e’tiroz qilayotgani yo‘q.

Xulosa o‘zingizga tan.