O‘zbekiston ilm-fani judolikka uchradi
Atoqli olim, O‘zbekiston Fanlar akademiyasi akademigi Nusrat Parpiyev 90 yoshida vafot etdi. Bu haqda O‘zA xabar berdi.
N.Parpiyev 1931-yilning 14-oktyabrida Toshkent shahrida tug‘ilgan. 1953-yilda O‘rta Osiyo davlat universitetini, 1956-yilda Moskva davlat universitetining aspiranturasini tamomladi.
N.Parpiyevning muallifligida kompleks birikmalar kimyosi yo‘nalishiga bag‘ishlangan 750 dan ziyod ilmiy maqolalar, 7 ta monografiya, 22 ta mualliflik guvohnomasi va 3 ta patent yurtimiz va xorijiy mamlakatlar olimlari va mutaxassislari tomonidan yuksak e’tirof etilgan.
Uning rahbarligida 50 dan ortiq fan nomzodlari va fan doktorlari tayyorlangan.
Marhumning yaqinlariga hamdardlik bildiramiz.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter