Oltita avtomobil ustiga daraxt quladi (foto)
Bugun, 18-mart kuni soat 07:22 larda Uchtepa tumani Chilonzor 23-mavze 31-uy oldida avtomashinalar ustiga daraxt qulaganligi bo‘yicha Toshkent shahar FVBga xabar kelib tushgan.
Voqea joyiga bitta qutqaruv ekipaji yetib borgan. Daraxt qulashi natijasida oltita (Kia, Jentra, Nexia-3, Damas, Cobalt, Niva) yengil avtomobil shikastlangan.
«Hozirda yuzaga kelgan vaziyat oqibatlari tegishli tashkilotlar bilan hamkorlikda bartaraf etilmoqda. Hodisa oqibatida jabrlangan yoki halok bo‘lganlar yo‘q.
Shu o‘rinda, Favqulodda vaziyatlar vazirligi aholidan kuchli shamol va yog‘ingarchilik vaqtida avtotransport vositalarini daraxtlar ostida qoldirmasligingizni so‘rab qoladi», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter