Navoiyda bolalarga iste’molga yaroqsiz go‘sht berilayotgani aniqlandi
Navoiy viloyati Nurota tumanidagi umumiy o‘rta ta’lim maktablari va maktabgacha ta’lim muassasalarida yaratilgan shart-sharoitlar hamda o‘quvchilar va tarbiyalanuvchilarning sog‘lom ovqatlanishi tashkil etilishining holati jamoatchilik nazorati tartibida o‘rganildi.
Mazkur tadbir davomida maktab va bog‘chalarda ta’lim sifati, moddiy-texnik baza, sanitariya-gigiyena talablariga rioya etilishi, ovqatlanish sifati va boshqa muhim masalalar atroflicha tahlil qilindi.
O‘rganishlar natijasida, ayrim maktabgacha ta’lim muassasalarida bolalar uchun ajratilgan oziq-ovqat mahsulotlarining saqlanish qoidalariga rioya qilinmayotgani aniqlandi. Xususan, ayrim tashkilotlarda go‘sht mahsulotlarining chorak qismi yaroqsiz holatda ekani qayd etildi.
O‘rganish ishlari davom etmoqda, o‘rganish yakunlari va aniqlangan kamchiliklar bo‘yicha tegishli tashkilotlarga rasman ma’lumot taqdim etiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter