Ketma-ket uch nafar bokschimiz JChdan chiqarib yuborildi
Serbiyada o‘tayotgan boks bo‘yicha jahon chempionatining chorakfinal bahslari vakillarimizga omadsiz keldi.
Abdumalik Xalakovning yorqin g‘alabasidan so‘ng ketma-ket uch nafar bokschimiz medallardan quruq qoldi. Bungacha Nodirjon Mirzahmedov ham qozog‘istonlik bokschiga yutqazgandi.
Avvaliga -75 kg vazn toifasida Saidjamshid Ja’farov jangda ustunlik qilgan bo‘lsada, hakamlar 3:2 hisobidagi g‘alabani tailandlik Viparon Jongjoxoga berib yuborishdi.
So‘ng superog‘ir vazn toifasida Lazizbek Mullojonov armanistonlik David Chaloyanga mag‘lub bo‘lgani e’lon qilindi. Yana hisob – 3:2.
-63,5 kg vazn toifasida Mujibillo Tursunov kubalik taniqli bokschi Endi Kruzga qarshi jang qilib u ham 3:2 hisobida yutqazdi.
Oldinda terma jamoamiz vakillaridan -92 kg vazn toifasida Madiyar Saidrahimovning Lyuis Uilyams (Angliya)ga qarshi jangi qoldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter