Eldor Shomurodov Turkiya klubiga o‘tishi aytilmoqda
O‘zbekiston terma jamoasi va «Roma» klubi hujumchisi Eldor Shomurodov 2025/26 yilgi mavsumdan Turkiya superligasida to‘p surishi mumkin. Shomurodovga Istanbulning «Bashakshehir» klubi jiddiy qiziqish bildirmoqda, deb yozdi «Gazeta arena» nashri.
Turkiyaning «Galatasaroy», «Fenerbahche», «Beshiktosh», «Trabzonspor» kabi nomdor klublari ham Eldorni o‘z safida ko‘rishni istaydi. Biroq o‘zbek futbolchisi bilan shartnoma imzolashga eng yaqini «Bashakshehir», deyiladi xabarda.
Turkiyalik insayder aytishicha, Shomurodov «Bashakshehir»ning taklifini ijobiy qabul qilgan.
Ma’lumotlarga ko‘ra, «Roma» yozgi transfer oynasida Shomurodovni sotmoqchi, chunki uning shartnomasi kelasi mavsumda yakunlanadi va klub uning sotuvidan kattaroq foyda olishni maqsad qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter