Diyego Maradona Ispaniya terma jamoasini boshqarishi mumkin
Futbol afsonasi Diyego Maradona Ispaniya terma jamoasini boshqarishi mumkin. Biroq buning bitta sharti bor: 59 yoshli argentinalik «Qizil furiya» jilovini qo‘lga olishi uchun avval Ispaniya futbol federatsiyasi prezidentligiga Antonio Torres kelishi lozim.
Torres Maradona bilan muzokara olib borgani haqida «Marca» nashri yozdi. Mabodo Maradona Ispaniya milliy jamoasiga kelgan taqdirda, unga Qatarda 2022-yilda bo‘lib o‘tadigan jahon chempionatida finalga chiqish vazifasi yuklatiladi.
Eslatib o‘tamiz, Maradona Argentina terma jamoasi tarkibida 1986 yili jahon chempioni bo‘lgan. 2008—2010-yillarda Argentina terma jamoasiga murabbiylik qilib, jahon birinchiligi chorak finaliga qadar olib chiqqan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter