Bogada koronavirus aniqlandi
Italiyaning «Sassuolo» klubi yarim himoyachisi Jeremi Bogada koronavirus qayd etildi. Bu haqda jamoa saytida xabar berilgan.
Klub matbuot xizmatining ma’lum qilishicha, kasallik alomatsiz kechyapti. Ta’kidlanishicha, 23 yoshli xavbek jarohatdan so‘ng tiklanayotgandi. U jamoadoshlaridan hech qaysisi bilan muloqotda bo‘lmagan. Endi Boga ikki hafta izolyasiyada bo‘lishiga to‘g‘ri keladi. Shundan so‘ng u yana mashg‘ulotlarga qaytishi mumkin.
Italiya A seriyasidagi o‘yinlar mart oyining boshida koronavirus pandemiyasi tufayli to‘xtatilgandi. Musobaqa iyunning ikkinchi yarmida qaytadan tiklandi. «Sassuolo» chempionat musobaqa jadvalida sakkizinchi o‘rinni egalladi. Boga 34 ta o‘yinda maydonga tushib, 11 marta darvozani ishg‘ol qilishga muvaffaq bo‘lgan.
Italiyada COVID-19ga chalinganlar soni 256 ming kishidan oshgan, 35 ming kishi vafot etgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter