«Tesla Roadster» 2020-yilning 8-oktyabrida Mars sayyorasiga yaqinlashadi. Elon Maskning koinotga uchgan elektrokari bilan Mars orasidagi masofa 7 million kilometrga qisqaradi, deb xabar berdi «Nv.ua».

• «SpaceX» ichida «Tesla» avtomobili joylashtirilgan «Falcon Heavy» raketasini uchirdi
  

«Elektrokarning Marsga eng yaqin keladigan oralig‘i 2020-yilning 8-oktyabrida sodir bo‘ladi. Ular orasidagi masofa 7 million kilometrga yetadi. Bu Marsning tortishish kuchi sohasi ta’siri ostida emas», — deb yozadi Harvard-Smitsonsk astrofizika markazi xodimi Jonatan Makdauell.

«Tesla Roadster» Yer atrofidan bir necha marotaba uchib o‘tadi. Astronomlarning hisob-kitoblariga ko‘ra, bu 2021, 2026, 2031 va 2039-yillarda sodir bo‘ladi. Kelajakda hisob-kitoblarga o‘zgartirish kiritilishi mumkin, chunki olimlar bir qator faktorlarning ta’sirini, xususan quyosh shamolini hisobga olmagan.

«Elektrokar 2030-yilga qadar 2021-yilning martida Yerga yaqin keladi. Oraliq masofa 45 million kilometrni tashkil etadi», — deya qo‘shimcha qiladi Jonatan Makdauell. Shunga qaramay, 2073-yilda elektrokar va bizning sayyoramiz orasidagi masofa «atiga» 1,6 million kilometrga teng bo‘ladi.

• Elon Maskning avtomobili Mars tomon harakatlanmoqda

Amerikalik kimyogar Uilyam Kerrollning fikricha, eng avvalo elektrokarning o‘rindiqlari va shinalari yemiriladi. Shundan so‘ng, elektrokar karkasi buzilishni boshlaydi. Oxir-oqibatda avtomobildan faqatgina meteorlarga duch kelmagan alyuminiy rama, ichidagi temir va oynali detallar but qoladi.