Angliya premer-ligasida yil o‘yinchisi aniqlandi
«Liverpul» himoyachisi Virjil van Deyk Angliya premer-ligasining bu yilgi mavsumi eng yaxshi o‘yinchisi deb topildi. Bu haqda Angliya professional futbolchilari assotsiatsiyasi (PFA) «Twitter»da xabar berdi.
PFA talqiniga ko‘ra, Van Deyk «Manchester Siti»dan Rahim Sterling, Serxio Aguero va Bernardu Silva, «Chelsi»dan Eden Azar hamda o‘z jamoasidan Sadio Mane kabi futbolchilarni ortda qoldirdi.
Ovoz berishda APLning barcha futbolchilari qatnashdi.
Eslatib o‘tamiz, Angliyada o‘tgan mavsumning eng yaxshi futbolchisi Muhammad Saloh («Liverpul») bo‘lgandi.
Ma’lumot uchun: Virjil van Deyk bu mavsumda 45 o‘yinda maydonga tushib, beshta gol urgan, to‘rtta golli uzatmani amalga oshirgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter