2019-yil bu soha uchun muvaffaqiyatsiz bo‘ldi
2019 -yilda sanoatning turli sohalarida ishlatiladigan robotlashtirilgan tizimlar soni o‘tgan yilgiga nisbatan kamaydi. Bu haqda Xalqaro robototexnika federatsiyasi (IFR) ma’lumotida qayd etildi.
IFR hisob-kitoblariga ko‘ra, 2018-yilda sanoat robotlari parki qariyb 422 mingni tashkil etgandi. 2019-yilda ishlatilgan robotlashtirilgan tizimlar soni esa 421 mingga kamaydi.
Yetti yil ichida birinchi marta kuzatilgan sanoat robotlari parkining qisqarishi AQSh va Xitoy o‘rtasidagi savdo-sotiq munosabatlarining keskinlashuvi bilan bog‘liq. Aynan Xitoy sanoat robototexnika vositalarining asosiy harakatlantiruvchi kuchi hisoblanadi, ammo AQShning bosimi tufayli ba’zi kompaniyalar o‘zlarining ishlab chiqarish quvvatlarining bir qismini Xitoydan tashqariga olib chiqishga majbur bo‘ldilar. Shunday bo‘lsa-da, sanoat robotlari ishlab chiqaruvchilari 2020-yilda o‘sish kuzatilishidan umid qilmoqdalar.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter