Yangiyo‘lda bog‘cha tomiga kran o‘qi qulab tushdi
Joriy yilning 25-mart kuni 19:10 larda Yangiyo‘l tumanidagi 5-sonli DMTT tomiga yomg‘ir sababli qo‘shni hududdagi qurilish tashkilotiga tegishli kran o‘qi qulab tushdi.
Toshkent viloyati maktabgacha va maktab ta’limi boshqarmasiga ko‘ra, hodisa joyiga zudlik bilan tegishli organ vakillari yetib kelishgan. Bolalar bog‘chasi tom qismini zararlagan kran o‘qi olib tashlangan.
«Ayni damda qurilish tashkiloti tomonidan muassasa tom qismidagi zarar yetgan joylarni ta’mirlash ishlari olib borilmoqda va 3 kun ichida to‘liq ta’mirdan chiqariladi», – deyiladi xabarda.
Baxtsiz hodisa oqibatida jarohat olganlar yo‘q.
Hozirda MMT muassasasi vaqtinchalik yopilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter