«Yangi Toshkent»ni haqli ravishda o‘n yillikning eng yirik arxitektura loyihasi deb atash mumkin. Chirchiq va Qorasuv daryolari oralig‘ida 20 ming gektar maydonda joylashgan «Yangi Toshkent» poytaxtning ijtimoiy, ma’muriy, tadbirkorlik va madaniy hayotining markaziga aylanadi.

Loyiha tegishli infratuzilma bilan ta’minlangan holda 1 million kishi uchun qulay yashash sharoitlarini yaratadi. Qurilishning birinchi bosqichida 60 ming aholiga mo‘ljallangan ko‘p qavatli uylar, 30 ta maktab, 20 ta bolalar bog‘chasi, ko‘p tarmoqli shifoxona va 5 ta oilaviy poliklinika qurilishi rejalashtirilgan. Bundan tashqari, bu yerda Milliy kutubxonaning zamonaviy binosi, teatr, san’at maktabi, turli savdo va xizmat ko‘rsatish ob’yektlari barpo etiladi.

YaNGI TOShKENT LOYIHASINING TARKIBI

Yangi O‘zbekiston bog‘i

«Yangi O‘zbekiston» bog‘i – O‘zbekistondagi eng yirik madaniy dam olish bog‘idir. Uning maydoni 104 gektar bo‘lib, tabiat va faol dam olishni qadrlovchi har bir kishi uchun mukammal joy. Bog‘ning o‘rtasida respublikaning 30 yilligi sharafiga o‘rnatilgan stella uning ozodligi va mustaqilligi ramzigaaylangan.

CENTRAL ASIAN EXPO (CAEx)

Central Asian Expo (CAEx) –. turli formatdagi va turli darajadagi murakkablikdagi loyihalarga osongina moslasha oladigan ko‘rgazma paviloniga ega noyob va ko‘p tarmoqli biznes maydoni bo‘lgan o‘ta zamonaviy ko‘rgazma majmuasi. Ko‘rgazma markazining umumiy maydoni 23 000 kvadrat metrni tashkil etadi.

Osiyo o‘smirlar o‘yinlarini o‘tkazi shuchun Olimpiya shaharchasi

160 gektar maydonda universal stadion, ochiq va yopiq turdagi sport majmualari, turar-joy binolari, mehmonxonalar, shuningdek, Chirchiq daryosida eshkak eshish majmuasi quriladi. Shuningdek, ochiq xokkey arenasi, mashg‘ulot maydonchasi, qilichbozlik, og‘ir atletika, shaxmat, stol tennisi va badminton uchun saroylar, shuningdek, suv sporti majmuasi, basketbol, voleybol va gandbol uchun velodrom va gimnastika zallari va boshqa ob’yektlar ham rejaga kiritilgan.

Bu inshootlar yirik musobaqalarni o‘tkazish uchun foydalaniladi hamda kelajakdagi Olimpiya zaxiralari instituti uchun o‘quv bazasi bo‘lib xizmat qiladi.

«NRG MAFTUN MAKON» turar-joy majmuasi

«MAFTUN MAKON» – bu NRG Uzbekistan kompaniyasining zamonaviy turar-joy majmuasi bo‘lib, u rivojlangan infratuzilmaga ega innovatsion kvartal hisoblanadi. U poytaxtning istiqbolli yangi markazida joylashgan va uni «shahar ichidagi shahar» deb ta’riflash mumkin.

Turar-joy majmuasida mijozlar uchun yer osti avtoturargohlari, xiyobonlar, bolalar maydonchalari, maktab va bolalar bog‘chasi mavjud.

Ayni paytda loyihaning uch bosqichi amalga oshirilmoqda, ularning har biri o‘ziga xos konsepsiya va me’morchilik uslubiga ega.

Markaziy Osiyodagi eng yirik yopiq akvapark

«Yangi Toshkent» loyihasi doirasida 50 gektar maydonda umumiy qiymati 200 million dollar bo‘lgan Markaziy Osiyodagi eng yirik yopiq akvapark barpo etiladi.

Markaziy Bog‘

Mazkur loyiha doirasida «Toshkentning yashil kamari» tashabbusi ham yo‘lga qo‘yilmoqda. 420 gektar maydonda markaziy bog‘ tashkil etilib, unga 200 mingta daraxt ekiladi.

Loyihani amalga oshirishda urbanizatsiyaga zamonaviy yondashuvlardan foydalaniladi: transport tizimi qayta tashkil etilib, piyodalar va velosipedchilarning erkin harakatlanishi uchun qulay sharoitlar yaratiladi. 100 mingtagacha avtomobil sig‘imiga ega yer osti avtoturargohlarini qurish rejalashtirilgan. Avtotransportning samarali harakatlanishini ta’minlash uchun 14 ta zamonaviy tunnel va 7 ta ko‘prik barpo etiladi. Bundan tashqari, infratuzilmaning ishonchli va xavfsiz ishlashini ta’minlash uchun barcha elektr, aloqa tarmoqlari, shuningdek, gaz va suv tizimlari yer ostiga joylashtiriladi.

Markaziy Osiyo tarixida ilk marotaba elektr energiyasi ishlab chiqarish, sovuq mavsumda binolarni isitish, yozda esa sovutish imkonini beruvchi trigeneratsiya stansiyasi quriladi. «Yangi Toshkent» loyihasi suvni tejovchi texnologiyalarni joriy etishni nazarda tutadi, bu esa suv sarfini ikki barobatga kamaytiradi. Bundan tashqari, oqava suvlar zamonaviy tozalashdan o‘tkazilib, sug‘orish va sanoat ehtiyojlari uchun qayta ishlanadi.