Madaniy meros agentligi «Sarmishsoy» va uning hududi bilan bog‘liq yetti ming yillik tarix insoniyat ko‘z oldida vayron bo‘lishi mumkin» mazmunidagi xabarlar yuzasidan rasmiy munosabat berdi. 

Agentlikka ko‘ra, «Sarmishsoy» davlat muzey-qo‘riqxonasi Hukumatning 2019-yil 30-maydagi qarori asosida tashkil etilgan va muzey-qo‘riqxona uchun Navoiy viloyati Navbahor tuman hokimining 2009-yil 14-iyuldagi tegishli qarori bilan tuman kadastri tomonidan 5000 ga maydon alohida belgilab berilgan.

Hukumatning 2019-yil 16-martdagi «Qimmatbaho metallarni oltin izlovchilar usulida qazib olish faoliyatini amalga oshirish tartibi to‘g‘risidagi nizomni tasdiqlash haqida»gi qaroriga asosan esa 2019 yilda «Sarmishsoy» davlat muzey-qo‘riqxona hududidan qimmatbaho metallarni ajratib olishda oltin izlovchilarga yer ajratib berilgan va qazishma ishlari olib borilgan.

Biroq 2021-yil 3-martdagi «Moddiy madaniy meros ob’yektlari va YuNESKOning Umumjahon merosi ro‘yxatiga kiritilgan hududlar muhofazasini kuchaytirish chora-tadbirlari to‘g‘risida»gi Hukumat qarori 11-ilovasiga asosan ushbu muzey-qo‘riqxonasining qo‘riqlanadigan chegaralari qayta belgilangan.

Agentlik hozirgi vaqtda mazkur chegaralarda oltin qazib olish maqsadida jismoniy va yuridik shaxslarga yer maydonlarini ajratib berish holatlari mavjud emasligini ta’kidlagan.