Samarqand ekologiya boshqarmasiga yangi rahbarlar tayinlandi
![Samarqand ekologiya boshqarmasiga yangi rahbarlar tayinlandi](https://static.xabaruz.com/crop/1/5/720_460_95_1524047226.jpg)
Samarqand viloyati ekologiya, atrof-muhitni muhofaza qilish va iqlim o‘zgarishi boshqarmasi boshlig‘i etib Jo‘rayev Baxtiyor Muqimovich tayinlandi.
B.Jo‘rayev 1988 yilda Farg‘ona viloyati, Uchko‘prik tumanida tug‘ilgan. Ekologiya tizimida 2015-yildan buyon ishlab kelmoqda. Bungacha Toshkent viloyati ekologiya boshqarmasi boshlig‘i vazifasini vaqtincha bajaruvchi bo‘lgan.
U 2009-yilda Farg‘ona politexnika instituti va 2011-yilda Toshkent davlat iqtisodiyot universiteti (magistratura)ni tugatgan.
Shuningdek, Xushbaqov Dilshod Murodullayevich Ekologiya vazirining tegishli buyrug‘iga ko‘ra boshqarma boshlig‘i o‘rinbosari lavozimiga tayinlandi.
Dilshod Xushbaqov 1988-yilda Samarqand viloyati Pastdarg‘om tumanida tug‘ilgan. 2013-yilda Samarqand qishloq xo‘jaligi instituti, shuningdek, Samarqand davlat universitetini tamomlagan.
Bungacha ushbu Samarqand viloyat boshqarmasi boshlig‘i vazifasida ishlagan Kamoliddin Shermatov boshqa viloyatga rotatsiya qilish yo‘li bilan o‘tkazilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter