Saida Mirziyoyeva Afro‘za Hamdamovani jahon chempionatidagi yutug‘i bilan tabrikladi
Nyu-Yorkda bo‘lib o‘tgan shaxmatning rapid yo‘nalishi bo‘yicha jahon chempionati yakunlandi. Ushbu musobaqada ayollar o‘rtasida 6-o‘rinni o‘zbekistonlik Afro‘za Hamdamova egalladi.
Shu munosabat bilan Prezident yordamchisi Saida Mirziyoyeva Afro‘zani tabrikladi.
«Afro‘za Hamdamovani rapid bo‘yicha jahon chempionatidagi ulkan yutug‘i bilan tabriklaymiz!
Atigi 15 yoshida u musobaqaning haqiqiy sensatsiyasiga aylandi, dunyo reytingining Top-20 taligiga kirdi va iqtidor hamda mehnatning chegarasi yo‘qligini isbotladi.
Barakalla, Afro‘za! Sen xalqimizning faxrisan!» – deb yozib qoldirgan Mirziyoyeva.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter