Qishloq xo‘jaligiga mo‘ljallangan ekin yer maydonini 15 ming dollarga sotayotgan shaxs ushlandi
Namangan viloyatida 2,0 gektar qishloq xo‘jaligiga mo‘ljallangan ekin yer maydonini 15 ming AQSh dollariga sotishga kelishib olgan shaxs qo‘lga olindi. Bu haqda Bosh prokratura xabar berdi.
Fuqaro D.S.ning Namangan viloyati IIB JQB Yer resurslari talon-toroj qilinishiga qarshi kurashish bo‘linmasiga qilgan murojaatiga asosan, viloyat prokuraturasi bilan hamkorlikda tezkor-tadbir o‘tkazilgan.
Aniqlanishicha,tadbirda D.E. Mingbuloq tumani hududidan «R. K.» fermer xo‘jaligiga 49 yil muddatga ijara huquqi asosida ajratilgan 2,0 gektar qishloq xo‘jaligiga mo‘ljallangan ekin yer maydonini 15 ming AQSh dollariga sotishga kelishib, kelishilgan pulni ariza muallifidan firibgarlik yo‘li bilan olayotgan vaqtida ashyoviy dalillar bilan ushlangan.
Mazkur holat yuzasidan D.E.ga nisbatan Jinoyat kodeksining 168-moddasi 3-qismi «a» bandi bilan jinoyat ishi qo‘zg‘atilib, tergov harakatlari olib borishga kirishilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter