Toshkent shahar hokimining 2023-yil 19-dekabrdagi poytaxtda yashillik darajasini yanada oshirish, «Yashil makon» umummilliy loyihasini izchil amalga oshirish orqali ekologik barqarorlikni ta’minlashga doir qarorni imzoladi.

Mazkur qarorda hokimlikning Ekologiya, atrof-muhitni muhofaza qilish va iqlim o‘zgarishi boshqarmasi, Obodonlashtirish bosh boshqarmasi hamda tuman hokimliklariga Toshkent shahri hududidagi daraxtlarni pasportlashtirish bosqichlari bo‘yicha tegishli topshiriqlar berilgan.

Unga ko‘ra, daraxtlarni pasportlashtirishning birinchi bosqichida (2024-yil 1-martga qadar) aerokosmik tasvirlar va dasturiy vositalardan foydalangan holda mavjud daraxtlar to‘liq xatlovdan o‘tkaziladi (yakka tartibdagi uy-joylar hududidagi daraxtlar bundan mustasno).

Ikkinchi bosqichida (2024-yil 1-noyabrga qadar) esa xatlov natijasiga ko‘ra aniqlangan daraxtlarning turi, yoshi, bo‘yi, holati va joylashuv koordinatasini aks ettiruvchi ma’lumotlar bazasi shakllantiriladi.

Mazkur loyihaning uchinchi bosqichida (2024-yil 31-dekabrga qadar) ma’lumotlar bazasi asosida «Yashil makon» elektron platformasida har bir daraxtga pasport shakllantiriladi va ID raqam beriladi.