2020-yilning 23-oktyabr kuni «Farzin yurishi» seriali «Netflix»da joylashtirildi.

Shundan keyin nimalar bo‘lgani quyidagi raqamlarda:

• Serialni bugungi kungacha 62 million oila tomosha qildi.
• «eBay»da shaxmat taxtasini sotib olish 250 foizga oshdi.
• «Google»da «shaxmat qanday o‘ynaladi» degan so‘rov oxirgi 9 yilda eng yuqori nuqtasiga chiqdi.
• Serialga asos qilib olingan «The Queeen’s Gambit» asari chop etilganidan so‘ng oradan 37 yil o‘tib «New York Times»ning bestsellerlari ro‘yxatiga kirdi.
• «Chess.com» saytidan foydalanuvchilar soni 5 karra oshdi.

Ma’lumot uchun: «Netflix» — jahonda eng ommalashgan striming (oqimli video) videoservislaridan biri. Servis filmlar va seriallarni nafaqat namoyish etadi, balki o‘zi suratga oladi.

«Netflix»ning o‘ziga xos jihati: seriallarning yangi seriyalari hafta davomida bitta-bittalab emas, balki butun mavsumi bilan bir kunda dunyo bo‘ylab, turli tillarda joylashtiriladi.

Barcha mamlakatlarda «Netflix» ishlaydi, istalgan qurilmadan foydalanish mumkin: smartfonlar (Android va iOS), planshetlar, kompyuterlar, televizorlar, TV-pristavkalar, o‘yin konsollari, DVD hamda Blu-ray pleyerlar.

Juda qulay servis, barcha qurilmalarni sinxronlasa bo‘ladi. Masalan, filmning 30 daqiqasini televizorda, davomini kelgan joyidan smartfonda tomosha qilishingiz mumkin.