«O‘zbekkino» Milliy agentligi, «Mir Ali cinema» va «Iskandariy visual» kinokompaniyalari bilan hamkorlikda, O‘zbekiston Respublikasi DXX ko‘magida suratga olingan «Men terrorchi emasman» badiiy filmining katta premerasi bo‘lib o‘tdi.

14 yanvar kuni mazkur filmning «Vatan himoyachilari kuni» munosabati bilan harbiylar uchun maxsus namoyishi bo‘lib o‘tadi.

«Men terrorchi emasman» badiiy filmi o‘tkir syujetli harbiy drama janrida bo‘lib, real voqealarga asoslangan. Unda terrorchilik guruhlariga qo‘shilib qolganlarning ayanchli taqdiri haqida hikoya qilinadi.

Film ssenariysi muallifi va postanovkachi rejissyor Muhammad Ali Iskandarov, operator Husan Atabayev, postanovkachi rassom Bahriddin Shamsutdinov, kompozitor Jasur Badalboyev, prodyuserlar Firdavs Abduxolikov va Mirjamol Mirzaahmedov, ijrochi prodyuser Nodir Mo‘minov.

Filmda Alixan Husniddinov, Sadriddin Amriddinov, David Bayramyan, Sulim Selixanov, Axmet Serkan Er, Sanjar Javberdiyev kabi o‘zbek va xorij aktyorlari rol ijro etishgan.