200ga yaqin kinoijodkorlar, san’at arboblari, rejisser va akterlar hamda kinoshunos olimlar O‘zbekiston kino sohasi vakillari kino sohasidagi islohotlarni qo‘llab quvvatlab, kinojamiyati a’zolariga murojaat bilan chiqishdi. Ular sohada so‘nggi yillar olib borilayotgan ijobiy o‘zgarishlarga yuqori baho berib, kinoijodkorlarni birlashishga chaqirishgan.

Murojaatga imzo chekkanlar qatorida Erkin Komilov, Mukambar Raximova, Elyor Ishmuxamedov, Baxtiyor Ixtiyorov, Lutfulla Sadullayev, Turg‘un Azizov, Tesha Mo‘minov, Ubaydullo Omon, Malika Axmedova, Mirza Azizov, Naima Po‘latova, Gavhar Zokirova kabi Xalq artistlari, O‘zbekistonda xizmat ko‘rsatgan artist, san’at va madaniyat arboblari — Qamara Kamalova, Abdurahim Ismoilov, Jo‘ra Teshaboyev, Rajab Adashev, Gulchehra Sadullayeva, Saida Rametova, Baxtiyor Nazarov, Aliaskar Fatxullin, Isamat Ergashev, Sobir Nazarmuhammedov, Mashrabjon Kimsanov, Hamidulla Hasanov, Sanjar Babayev, Dilorom Safayeva, Berdiulova Muyassarxon, Asadillo Nabiyev, mavjud. Ro‘yxatda shuningdek, Rossiya federatsiyasida xizmat ko‘rsatgan o‘zbekistonlik san’at arbobi Odelsha Agishev, xalq rassomi Baxodir Jalolov, aktrisalar — Dilnoza Kubayeva, Shoira G‘iyosova, Adolat Kimsanova, san’atshunoslik fanlari doktorlari, kinoshunoslar — Nigora Karimova, akademik Nigora Axmedova, Jo‘ra Teshaboyev, Anvar Ismoilov, Falsafa fanlari nomzodi A’lo Xodjayev, To‘ychi Axmedov, rejisserlar — Ali Xamrayev, Baxodir Yuldashev, Rashid Malikov, Rustam Sagdiyev, Jasur Isxakov, Hilol Nasimov, Akbar Bekturdiyev, Furqat Fayziyev, Ibroxim Rasulov, Zebo Navro‘zova, Muxammadali Iskandarov, hamda yana ko‘plab taniqli ssenaristlar, operatorlar, dramaturglar, san’atshunos olimlar, fan doktorlari, akademiklar, akter va aktrisalar ham bor.

Ijodkorlar sohadagi ayrim tushunmovchiliklarga izoh berib, kinoijodkorlarni birlashishga chorlab, bahslarni OAV va ijtimoiy tarmoqlarda emas «O‘zbekkino» devorlari ichida olib borishga chaqirishgan:

«Barcha ilg‘or kinoijodkorlar bugungi kunda oddiy haqiqatni o‘zlashtirishlari juda zarur — bugungi kunda so‘nggi yillarda o‘zbek kinosi uzra soya solgan tarqoqlik emas, balki birlashish, bir yoqadan bosh chiqarish har qachongidan ham muhim. So‘nggi 30 yilning ayanchli tarixida biz g‘alayonlar, haqoratlar va fitnalar tanazzul va vayronagarchilikka olib kelishiga guvoh bo‘ldik. Biz bahs va tanqidlar ijtimoiy tarmoqlar va OAV maydonida ayblovlar va haqoratlar ko‘rinishida emas, balki «O‘zbekkino» devorlari ichida konstruktiv muloqot doirasida muhokama qilinishi kerak, deb hisoblaymiz.

«Biz — islohotlar tarafdorimiz — bugungi kunda kinematografchilarning shiori, o‘zbek kinosining asosiy g‘oyasi shunday!» – deya murojaat yakunlangan.