ABBA qaytmoqda: 1978-yilda yozilgan qo‘shiq 22-oktyabr kuni taqdim etiladi
Shvetsiyaning mashhur ABBA pop-guruhi 1978-yilda yozilgan, ammo hanuz taqdim etilmagan qo‘shig‘ini 22-oktyabrda omma e’tiboriga havola etadi. Bu haqda guruhning «Instagram»dagi sahifasida ma’lum qilindi.
«Just A Notion» qo‘shig‘i Benni Andersson va Byorn Ulveus tomonidan «Voulez-Vous» albomi uchun yozilgan.
Kvartetning yangi albomi taqdimoti 5-noyabr sanasiga belgilangan. Albomdan o‘rin olgan «I Still Have Faith In You» hamda «Don’t Shut Me Down» kompozitsiyalarini ko‘pchilik tinglashga ulgurdi.
Ma’lumot uchun: 1972-yilda tashkil etilgan ABBA guruhi o‘n yillik faoliyatidan so‘ng 1982-yilda tarqab ketgan. 2020-yilda jamoa a’zolari yana birlashishga qaror qilishdi, ular albom va konsert dasturini tayyorlashmoqda. Katta konsert Londonda maxsus qurilgan arenada 2022-yilning 27-may kuni o‘tkazilishi mo‘ljallangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter