Virus ninzaga o‘xshaydi: organizmda yashiringan holda ko‘payadi
Gonkonglik olimlar xulosasiga ko‘ra, COVID-19 infeksiyasi SARS pnevmoniyasi tarqalishiga sabab bo‘lgan virus shtammiga qaraganda uch baravar ko‘p patogen ishlab chiqaradi, ustiga-ustak, yangi koronavirus yaxshiroq «berkinadi», deb yozadi «South China Morning Post» gazetasi.
Olimlar koronavirusni yuqtirgan olti nafar bemorning o‘pka to‘qimasi namunalarini tahlil qilishdi. Natijaga ko‘ra, COVID-19 virusi 48 soat ichida SARS virusiga qaraganda 3,2 baravar ko‘p patogen ishlab chiqargan. Shuningdek, yangi koronavirus immun va yallig‘lanuvchi reaksiyalarni sekinroq chaqirgan, bu esa uni aniqlashni qiyinlashtiradi.
«Virus ninzaga o‘xshaydi, u yallig‘lanish reaksiyasi va interferon darajasi past bo‘lgan organizm ichida ko‘payadi», — deydi olimlardan biri.
Nashrning ta’kidlashicha, kasallik belgilarining yo‘qligi yoki birgina yengil alomatlar butun dunyoda koronavirusni to‘xtatib qolishni qiyinlashtiryapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas