Qozog‘istonda bir kunda qariyb 2 ming kishida koronavirus aniqlandi
Qozog‘istonda o‘tgan bir kecha-kunduzda 1962 ta yangi koronavirus infeksiyasini yuqtirish holati aniqlandi, umumiy kasallanganlar soni 53 021 kishiga yetdi, deya xabar berdi koronavirus infeksiyasiga qarshi kurash idoralararo komissiyasi.
Avvalroq sog‘liqni saqlash vazirligi 6 iyul holatiga ko‘ra mamlakatda koronavirus tufayli 264 ta o‘lim holati qayd etilganini ma’lum qilgandi. Qozog‘istonda o‘lim holati haqidagi ma’lumotlar har hafta yangilanadi. Sog‘aygan bemorlar soni 34,1 ming kishidan oshgan.
«1962 ta yangi koronavirus infeksiyasi holati qayd etildi, ulardan 753 nafari alomatli tashuvchilar, 1209 nafari alomatsiz tashuvchilar», — deyiladi komissiyaning Telegram kanalida.
O‘tgan bir kecha-kunduzda yangi kasallanish holati eng ko‘p Atirau (658), Olma-ota (177) va Qarag‘andada (150) qayd etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter