Hindistonda bir sutkada qariyb 5 ming kishida koronavirus aniqlandi
Kecha Hindistonda koronavirus bilan kasallanganlar soni 4,9 ming nafarga ko‘paydi, deyiladi mamlakat sog‘liqni saqlash va oilaviy farovonlik vazirligi tarqatgan xabarda.
Hindistonda COVID-19 bilan kasallanganlar jami soni 90 927 nafarga yetgan.
Vazirlik xabarida davolanayotganlar soni 53 946 nafar ekani aytiladi. Sog‘ayib ketganlar — 34 108 nafar, qurbonlar soni — 2872 nafar.
Mamlakat markaziy qismida joylashgan Maxarashtra shtati virusdan eng ko‘p jabr ko‘rgan shtatga aylandi, bu yerda 20 706 nafar bemor aniqlangan. Ikkinchi o‘rinda — Gujarat shtati (10 998 nafar), uchinchi — Tamilnad shtati (10 585 nafar).
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter