Xushnudbek Xudoyberdiyev O‘zA bosh direktori o‘rinbosari bo‘ldi
Taniqli bloger va huquqshunos Xushnudbek Xudoyberdiyev O‘zbekiston milliy axborot agentligi Bosh direktori o‘rinbosari lavozimiga tayinlangani haqida xabarlar tarqaldi. «Xabar.uz» manbasi ushbu tayinlovni tasdiqladi.
Xushnudbek Xudoyberdiyev bunga qadar Milliy mass-mediani qo‘llab-quvvatlash va rivojlantirish jamoat fondi direktori sifatida ishlab kelayotgan edi.
Eslatib o‘tamiz, o‘tgan yilning dekabrida O‘zbekiston Milliy axborot agentligi faoliyatini yanada takomillashtirish chora-tadbirlari to‘g‘risida O‘zbekiston Respublikasi Prezidentining qarori qabul qilingandi.
O‘sha qarorga ko‘ra, O‘zA bosh direktori maqomi, mehnatga haq to‘lash, moddiy rag‘batlantirish, tibbiy va transport xizmati ko‘rsatish shart-sharoitlariga ko‘ra vazirga, uning birinchi o‘rinbosari va o‘rinbosari esa tegishlicha vazirning birinchi o‘rinbosari va vazir o‘rinbosariga tenglashtirilishi belgilangan.
Hozircha bu tayinlov rasman e’lon qilingani yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter