Haj safari xarajatlari arzonlashishi ma’lum qilindi
4-aprel kuni Vazirlar Mahkamasi qoshidagi din ishlari bo‘yicha qo‘mita tomonidan ommaviy axborot vositalari uchun tashkil etilgan birifing bo‘lib o‘tdi. Bu haqda «Azon.uz» xabar berdi.
Brifingni qo‘mitaning matbuot xizmati vakili Abror Xikmatov olib borgan.
Brifingda Vazirlar Mahkamasining 2019-yil 6-mart kuni qabul qilingan fuqarolarning vijdon erkinligi va diniy e’tiqodga bo‘lgan konstitutsion huquqlarini ta’minlash, haj va umra ziyoratlarini tashkil etish, o‘tkazish bilan bog‘liq ishlar samaradorligini yanada oshirish, ziyoratlarni yuqori samarada va tizimli tashkil etish hamda ko‘rsatiladigan xizmatlar narxini arzonlashtirish bo‘yicha farmoyish ma’lumotlari taqdim etildi.
Eslatib o‘tamiz, o‘tgan yili Umra safariga boruvchi ziyoratchilarning sonini belgilash bo‘yicha (kvota) cheklovlar olib tashlangan va safar narxlari arzonlashgani ma’lum qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter