O‘zbekiston Respublikasi Prezidentining «Respublika iqtisodiyotiga to‘g‘ridan-to‘g‘ri xorijiy investitsiyalarni jalb qilish mexanizmlarini yanada takomillashtirish chora-tadbirlari to‘g‘risida» qaroriga ko‘ra «Toshkent — Andijon» va «Toshkent — Samarqand» pullik avtomobil yo‘llari qurilishi belgilab olindi.

«Toshkent — Andijon» pulli yo‘li qurilishi bo‘yicha 2019 yilning iyun oyida Jahon banki bilan konsultatsiya xizmatini ko‘rsatish bo‘yicha bitim tuzish ko‘zda tutilgan. Qurilish tenderi g‘olibini e’lon qilish va u bilan bitim tuzish muddati 2020 yilning dekabriga belgilandi. Yo‘l qurilishi 2021 yilning avgust oyida boshlanishi rejalashtirilmoqda.

«Toshkent — Samarqand» pullik yo‘li qurilishi Turkiyaning «Cengiz Enerji Sanayii ve Ticaret A.S», «KaneH» va «Komm» kompaniyalari konsorsiumi bilan amalga oshiriladi. Avtomobil yo‘li marshrutini o‘rganish va dastlabki hisob-kitob ishlarini ishlab chiqish 2019 yilning may oyiga belgilangan. Qurilish joriy yilning 4-choragida boshlanishi va 2021 yilning 4-choragida avtomobil yo‘li foydalanishga topshirilishi lozim.

Eslatib o‘tamiz, O‘zbekistonda pullik yo‘llar paydo bo‘lishi va ular qay tariqa xizmat ko‘rsatishi haqida saytimizda avvalroq ma’lumotlar berilgan edi.