Android qurilmalar uchun Xabar.uz mobil ilovasi. Yuklab olish ×

«Tengiz» — bir ayol qismatiga bag‘ishlangan haqqoniy drama (video)

«Tengiz» — bir ayol qismatiga bag‘ishlangan haqqoniy drama (video)

«O‘zbekkino» Milliy agentligi buyurtmasiga binoan rejissyor Mansur Abduxoliqov tomonidan suratga olingan «Tengiz» badiiy filmida bir ayolning hayoti, uning atrofidagilar, turmush tarzi haqida hikoya qilinadi. Bundan tashqari, filmda qoraqalpoq xalqining urf-odatlari, madaniyati, Orol dengizining taqdiri, mo‘ynoqliklar ichki kechinmalari ifodalangan.

Ushbu film, asosan, Qoraqalpog‘istonning Mo‘ynoq shahrida istiqomat qiluvchi Manzura Yerniyozova va uning jasoratiga bag‘ishlanadi. Filmda badiiy to‘qimalar mavjud. Lekin film syujetiga bu ayolning tushkunlikka tushmay tikuvchilikni o‘rganib, tadbirkorga aylangani, yoshlarga ibrat bo‘layotgani, iroda va matonati asos qilib olingan. Baxtsiz hodisa tufayli o‘ng oyoq-qo‘lidan ajralgan Tengiz ismli kelinning bir zumda to‘kis ko‘ringan baxtidan ayrilishi haqidagi voqea bilan boshlansa, filmda kelgusi sahnalar ancha ko‘tarinki tus oladi. To‘g‘ri, u sevgan yoridan, baxtidan voz kechadi, lekin o‘zining tirishqoqligi va mehnati tufayli yana hayotga qaytadi.

Film ssenariyi mualliflari G‘afur Shermuhammad va Shuhrat Rizayev, postanovkachi operator — Dilmurod Turdiboyev.

Rollarda: Sitora Farmonova, Ko‘pjursin Allanazarov, Roza Piyazova, Feruza Saidova, Lizaxon Haqnazarova va boshqalar.

«Tengiz» badiiy filmining Qoraqalpog‘istonda milliy namoyishi bo‘lib o‘tishi kutilmoqda. Shuningdek, «O‘zbekkino» Milliy agentli tomonidan yurtimiz telekanallarida 10 dan ortiq film va multfilmlar namoyish etilmoqda. Eslatib o‘tamiz, 1 sentyabr kuni «Tengiz» badiiy filmining milliy televizion namoyishi bo‘lib o‘tishi xabar berilgandi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring