Surxondaryoda noqonuniy qurol sotgan shaxs ushlandi
Surxondaryo viloyatining Sherobod tumanidagi «Xo‘jaqiya-2» mahallasida yashovchi Nafsin Mullayev (ism-familiya o‘zgartirilgan) ov qurolini 200 ming so‘mga qonunga xilof ravishda sotayotganida ichki ishlar idoralari xodimlari tomonidan ushlandi.
N.Mullayevning «IJK» rusumli bir stvolli, 20 kalibrli hujjatsiz o‘qotar qurolni qayerdan olgani va qanday maqsadda pullashga uringani IIB xodimlarini qiziqtirib qoldi, deyiladi O‘zA xabarida.
Ayni paytda N.Mullayevga nisbatan O‘zbekiston Republikasi Jinoyat kodeksining 248-moddasi 3-qismi bilan jinoyat ishi qo‘zg‘atilib, tergov-surishtiruv ishlari olib borilmoqda.
Eslatib ketish kerak, O‘zbekistonda qurol, o‘q-dori, portlovchi moddalar yoki portlatish qurilmalarini qonunga zid saqlash, unga egalik qilish uchun jinoiy javobgarlik belgilangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter