Bugun, ya’ni 2018-yilning 2-yanvaridan boshlab Rossiya va Qozog‘iston temiryo‘l yo‘nalishidagi to‘g‘ridan-to‘g‘ri yo‘lovchi reyslariga chegirmalar joriy qilinadi. Bu haqda «O‘ztemiryo‘lyo‘lovchi» AJ ma’lumotiga tayanib, «Gazeta.uz» xabar bermoqda.

Xabarda qayd etilishicha, 2018-yilda chiptalarning oldindan xarid qilish muddatiga qarab quyidagicha chegirmalar belgilandi:

— yo‘lovchi kupe va maxsus vagonlar uchun chiptani poyezdning jo‘nash kunidan 45−31 sutka oldin xarid qilsa 45 foizlik, platskart vagonlar uchun — 35 foizlik chegirmaga ega bo‘ladi;

— yo‘lovchi kupe va maxsus vagonlar uchun chiptani poyezdning jo‘nash kunidan 30−6 sutka oldin xarid qilsa 35 foizlik, platskart vagonlar uchun — 35 foizlik chegirma oladi;

— yo‘lovchi chiptani poyezdning jo‘nash kunidan 5 sutka oldin va undan kamroq vaqt qolganda xarid qilsa 5 foizlik ustama qo‘shilishi mumkin

Eslatib o‘tamiz, mazkur chegirmalar ichki yo‘nalishlar, shuningdek, uyushgan yo‘lovchilar guruhiga nisbatan tatbiq etilmaydi.