Qishki ta’til muddati o‘zgardi
Oliy va o‘rta maxsus ta’lim vazirining 2021 yil 25 dekabrdagi 537-sonli buyrug‘iga asosan oliy, o‘rta maxsus va professional ta’lim muassasalari talaba va o‘quvchilari uchun qishki ta’til muddatining boshlanishi bugun, 25 dekabrga ko‘chirildi.
Talaba va o‘quvchilarga qo‘shimcha imkoniyat va qulaylik yaratish maqsadida, xususan, talabalarning doimiy yashash joylariga borish va qaytishi uchun ichki temiryo‘l va aviaqatnovlarga chiptalarni maxsus 50 foizli chegirma bilan xarid qilish imtiyozi 25 dekabrdan e’tiboran qo‘llaniladi.
OTM talabalari, akademik litsey va professional ta’lim muassasalari o‘quvchilari uchun qishki ta’tilning tugash sanasi o‘zgarmagan — 2022 yil 10 yanvar etib belgilangan.
Avvalroq maktab o‘quvchilari va talabalar uchun qishki ta’til muddati 28 dekabrdan etib belgilangan edi.
Hozircha bu ma’lumot maktab o‘quvchilariga taalluqli emas. Maktablarda qishki ta’til 28 dekabrdan boshlanadi va 10 yanvar kuni tugaydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter