Ko‘pchilik tvorog sog‘liqqa o‘ta foydali mahsulot deb hisoblaydi, lekin aslida uni ko‘p iste’mol qilish maqsadga muvofiq emas, deydi diyetolog Mixail Ginzburg. U Sputnik radiosiga bergan intervyusida mashhur sut mahsulotining zarari haqida ogohlantirdi.

Ginzburgning ta’kidlashicha, tvorog massasida odatda ko‘p shakar, shuningdek, trans yog‘lari mavjud. Ingrediyentlarning bu kombinatsiyasi, shifokorning fikriga ko‘ra, tvorogning deyarli barcha foydali xususiyatlarini yo‘qqa chiqaradi. Uning aniqlik kiritishicha, oddiy tvorog bir qator kasalliklar rivojlanishidan himoya qilsa, yog‘li va shirin tvorog massasi diabet, semirish va ateroskleroz xavfini oshiradi.

Diyetologning ta’kidlashicha, bir necha qoshiq tvorog massasi sog‘lom odamlarga zarar etkazmaydi, ammo semizlik va gipertenziya uchun ushbu mahsulotdan foydalanish xatodir. Shuningdek, u bolalarga shirin tvorog bermaslikni maslahat berdi, chunki bu noto‘g‘ri ovqatlanish odatlari paydo qilishi va shirin taomlarga bo‘lgan ishtiyoqni keltirib chiqarishi mumkin.