Xalqimiz ajoyibda, shunday sinovli kunlarda ham o‘zini ovutishga so‘z va mashg‘ulot topa oladi. Hech bo‘lmaganda topishmoq, matal to‘qiydi, tez aytish aytadi.

Ijtimoiy tarmoqlarda «Janob kamina» niki ostidagi profil egasi «Gazga atab maqol to‘qiymiz, masalan «shoshilgan qiz, gazga yolchimas», degan post qo‘yilgach bir-biridan ajoyib maqollar to‘qildi, to‘g‘rirog‘i maqol-parodiyalar yozildi.

Kelgusida ajabmas, bu maqollar biz uchun sinovli bo‘lgan kunlardan faqatgina, faqatgina xotira bo‘lib qolsa.

Barno Shodmonbekova:

Yetti o‘lchasang ham, pulini to‘lasang ham, gaz yonmas

Gaz egiladi, bukiladi, lekin kelmaydi

Ma’mura Zohid Qizi:

Kel, kel desam, kelmaydi, yon, yon desam yonmaydi (topishmoq).

Bir gazim bor ajabgina,
Yoqardim tejabgina,
Kelsangiz bir ko‘rasiz,
Sovuqlarda qotasiz.

Nigora Qo‘chqorova:

Bor gazim, kel gazim, o‘rtada sarson xalqim

Bulbul chamanni sevar, biz esa gazni

Yulduzxon Hakimova:

Gazi borga qiz uzat

Shahnoza Ro‘zmatova:

Gaz bilan obod uying gar bo‘lsa u vayrona ham, gaz qadam qo‘ymas ekan vayronadir kashona ham.

Gulnar Osmanaliyeva:

Gazing halol bo‘lsa, ko‘chada yoq.

Gazdan kelsa issiqliq, turmush bo‘lar chiroylik.

Gazsiz uyim, sovuq oshim.

Nasiba Rajabova:

Gazi borning nozi bor

Shohista Sayfuddinova:

Og‘zi qiyshiq bo‘lsa ham gazi borlar gapirsin

Gulmira Salimova:

Gazim bor deb kerilma, gazsizlarga ko‘rinma

Iqbolxon Mamayusupova:

Gazi bor uyning fayzi bor

Nafisa Rajabova:

Bir nimasi bo‘lmasa gaz lipillamaydi

Nasiba Irmatova:

Chiroq ostonadan boshlanadi

Iroda To‘raboyevna:

Gazsiz uyim, tuzsiz oshim

Iroda Azimova:

Oltin olma, gaz ol

Gulnar Osmanaliyeva:

Gaz, gazni tagi rohat. ...

Saodat Yusupova:

Gazni faqat nomidan, o‘tinning cho‘g‘i afzal

Gulmira Salimova:

Gaz boyga boqar, suv soyga oqar

Nozima Tojibayeva:

Kerilma g‘oz, gazing nosoz yo judayam oz!

Irodaxon Eshpo‘latova:

Sovuq uy — zahri ilon

Baland gazga — jon qurbon

Ra’no Po‘latova:

Bir odamga ham gaz, ham chiroq kerak!

Sayyora Razzakova:

Laylak kelsa yoz bo‘lar
Bahor kelsa gaz bo‘lar

Onasini ko‘r, qizini ol,
Balonini ko‘r, gazini ol.

Gulmira Salimova:

Gazli uy bozor, gazsiz uy mozor.