Dunyodagi shakar muammosi O‘zbekistonga ta’sir qilmaydi — «Angren shakar»
Ayni kunda dunyodagi siyosiy qaltis vaziyatda Rossiya shakar eksportini taqiqladi. Qayd etilishicha, bu cheklov O‘zbekiston iste’molchilariga ta’sir qilmaydi.
«O‘zbekistonda bir yilda 700 ming tonna shakar iste’mol qilinadi. Mamlakatdagi ikkita shakar zavodi – «Angren shakar» va «Xorazm shakar» MChJlar esa yil oxiriga qadar 800 ming tonna shakar ishlab chiqarishni zimmasiga olgan. Buning uchun xom-ashyo zaxiralari ham yetarli.
Mavjud ikkita mahalliy shakar ishlab chiqaruvchilarimiz aholining ehtiyojlarini qondirishga qurbi yetadi.
Shakar zavodlarimiz iste’molchilarni qo‘llab-quvvatlashga tayyor», — deyiladi «Angren shakar» MChJ matbuot xizmati xabarida.
Eslatib o‘tamiz, kuni kecha O‘zbekistonda shakar narxi qimmatlashishni boshlaganiga Monopoliyaga qarshi kurashish qo‘mitasi o‘z munosabatini bildirib, asossiz oshirilgan narx-navo bo‘yicha qonunchilikda belgilangan tartibda chora ko‘rish mumkinligi yuzasidan ogohlantirgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter