Dam olish kunlari qanday ob-havo kuzatilishi ma’lum qilindi
Respublika Gidrometeorologiya xizmati kelayotgan dam olish kunlari uchun ob-havo ma’lumotini e’lon qildi.
O‘tgan dam olish kunlari yog‘ib o‘tgan yomg‘ir va keskin sovuqdan so‘ng, ushbu haftada quyoshli va iliq ob-havo kuzatildi.
Dam olish kunlari va keyingi hafta boshida respublika bo‘yicha kuchsiz shamollar bilan bulutsiz ob-havo saqlanib turadi.
Kechasi va ertalab hali juda salqin, 6-9° iliq atrofida bo‘ladi, kun davomida quyosh havoni 22-25° iliqqacha isitadi. Bu oktyabr oyining o‘rtalari uchun bo‘lgan me’yoriy qiymatlardan 2-3° ga yuqoridir. Biroq, shuni eslatib o‘tamizki, eng issiq bo‘lgan oktyabr oylarida Toshkentda kunduz kungi harorat 32-35° iliqqacha ko‘tarilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter