Beruniy tumanida istiqomat qiluvchi fuqaro Yu.Matyoqubov Iste’molchilar huquqlarini himoya qilish jamiyatiga murojaat qildi.

Fuqaro murojaatida, jumladan, shunday deyiladi: «Yetmish yoshdaman. Xonadonimga elektr hisoblagich o‘rnatish va uning hujjatlarini rasmiylashtirish uchun U. ismli xodimga 2015-yilda 500 000 so‘m naqd pul bergan edim. Shu kungacha hisoblagich xonadonimga o‘rnatilmadi. «Svetchi» ham menga hech qanday chek yoki kvitansiya bergani yo‘q.

Yaqinda hujjatlarim shu kunga qadar rasmiylashtirilmaganini bilib qoldim. Unga yo hujjatlarni ber yo pulni qaytar desam, hisob raqamingizga tushirganman, deb aytdi. Shu masalaga oydinlik kiritsangiz...»

Ushbu murojaat asosida jamiyat tomonidan o‘rganish olib borildi. Ma’lum bo‘lishicha, na hisoblagich tayyor bo‘lgan, va uning hujjatlari. Uch yildan buyon U. aytgan hisob raqamga pul ham tashlanmagan.

Ko‘rilgan chora-tadbirlar natijasida Beruniy tuman elektr tarmoqlari korxonasi xodimi U.dan tushuntirish xati olindi. U olgan pullarini qaytarib berdi.