Gidrometeorologiya xizmati kirib kelayotgan aprel oyida kutilayotgan ehtimoliy ob-havo bo‘yicha ma’lumot berdi. 

Bu yil aprel oyidagi o‘rtacha havo harorati taxminan, ba’zi joylarda ko‘p yillik o‘rtacha ko‘rsatkichdan biroz yuqori bo‘ladi. Aprel oyida yog‘ingarchilik kam, ayrim joylarda me’yorga yaqin bo‘lishi kutilmoqda.

Oy quruq va issiq havo bilan boshlanadi. 1-aprel kuni O‘zbekiston bo‘ylab havo biroz bulutli bo‘ladi, kunduzi harorat mart oyining so‘nggi kunlarida bo‘lgani kabi 22-27 daraja atrofida, ya’ni me’yordan 5-8 daraja yuqori bo‘ladi.

2-7-aprel kunlari respublikada beqaror ob-havo kuzatiladi, ba’zi joylarda qisqa muddatli momaqaldiroq bo‘lib, shamol kuchayadi. Ko‘pincha bahorda bo‘lgani kabi, yomg‘irning hududlar bo‘ylab taqsimlanishi va intensivligi juda xilma-xil bo‘ladi - zaif va mo‘’tadil yomg‘irdan kuchli yomg‘irgacha. Yomg‘ir paytida havo harorati kunduzi 5-7 darajagacha pasayadi.

Aprel oyining birinchi o‘n kunligi oxirida yog‘ingarchiliksiz ob-havo kuzatiladi va havo harorati yana ko‘tarila boshlaydi.

O‘zgidrometning dastlabki prognoziga ko‘ra, aprel oyining ikkinchi va uchinchi o‘n kunligida havo haroratining o‘zgarishi kechasi 7—12° dan 12—17° gacha, kunduzi 20—25° dan 27—32° gacha iliq bo‘lishi kutilmoqda.

Shuni unutmangki, bahorda, xususan, aprel oyida ob-havo ba’zan «syurprizlar» olib keladi - bu sovuqlar, kuchli yomg‘irlar, momaqaldiroq paytida tez-tez sodir bo‘ladigan bo‘ronlar va do‘l. Tog‘ etaklarida kuchli yog‘ingarchilik halokatli sel oqimini keltirib chiqarishi mumkin.