Abituriyentlar uchun yangilik! Qo‘shimcha repetitsion test sinovlari tashkil etilmoqda
Oliy ta’lim va oliy harbiy ta’lim muassasalariga kiruvchilarning test sinovlariga tayyorgarlik ko‘rishlari uchun qishki ta’til kunlarida Davlat test markazi tomonidan qo‘shimcha repetitsion test sinovlari o‘tkaziladi. Bu haqda DTM axborot xizmati xabar berdi.
Abituriyentlar qo‘shimcha repetitsion test sinovlarida ishtirok etish orqali puxta tayyorgarlik ko‘rish, o‘z bilimlarini sinab borish bilan birga, test materiallari (savollar kitobi, javoblar varaqasi) bilan ishlash ko‘nikmalarini mustahkamlaydilar, shuningdek, test sinovlarini o‘tkazish tartibi bilan yaqindan tanishadilar.
Qayd etilishicha, repetitsion test sinovlari Davlat test markazi binosida o‘tkaziladi. Saytimizga xabar berishlaricha, savollar kitobi narxi 12 ming so‘m bo‘lib, boshqa pullik xizmat talab etilmaydi. Abituriyentlar istagancha test yechib, bilimlarini sinashlari mumkin bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter