Bugungi kunda do‘kon rastalari mahsulotlar bilan to‘lib ketgan va sifatli mahsulotni tanlash haqiqiy sinov bo‘lib qoldi. Qanday qilib ortiqcha vaqt va pul sarflamaslik mumkin? Javob – «Asl Belgisi» raqamli markirovka kodlarini o‘qish uchun mo‘ljallangan ilovadan foydalanish.

Raqamli markirovka - bu bir necha soniya ichida mahsulot haqida barcha kerakli ma’lumotlarni taqdim etadigan tizim. U nafaqat tovarni sotib olishga yordam beradi, balki uning sifati va xavfsizligini kafolatlaydi.

Vaqtni tejash

Do‘konlarda mahsulotlarning assortimenti juda katta bo‘lib, umidlar va ehtiyojlarga mos mahsulotni aniqlash oson emas. U yoki bu tovar o‘z puliga arziydimi yoki yo‘qligini bilishning an’anaviy usuli – qadoqlash yoki foydalanish bo‘yicha yo‘riqnomani o‘rganish, tarkibini o‘qish, mayda tafsilotlar va shriftlarni ko‘rib chiqishdir. Endi raqamli markirovka tufayli hammasi osonlashadi. «Asl Belgisi» ilovasi bilan bir tugmani bosib, Data Matrix kodini skanerlash orqali tovarning kelib chiqishi, ishlab chiqarilgan sanasi, yaroqlilik muddati va sertifikatlari haqidagi ma’lumotlarga kirish imkoniyatiga ega bo‘lasiz. Bu tanlovni sezilarli darajada tezlashtiradi: ortiqcha vaqt va vijdonsiz ishlab chiqaruvchilar haqida tashvishlanishga hojat yo‘q – barcha ma’lumotlar soniyalar ichida mavjud.

Moliyaviy tejamkorlik

Ikkinchi muhim jihat - bu moliyaviy tejamkorlik. Arzon mahsulot foydali bo‘lib ko‘rinishi mumkin, lekin ko‘pincha sifatsiz yoki qalbaki bo‘lib chiqadi. Kontrafakt muammosi uzoq vaqtdan beri ma’lum va majburiy markirovka unga qarshi kurashishga yordam beradi. Masalan, bir oydan keyin buziladigan arzon maishiy texnikani sotib olsangiz, ta’mirlash yoki almashtirish uchun ko‘proq pul sarflashingiz mumkin.

Raqamli markirovka bunday vaziyatlarning oldini olishga yordam beradi va tanlovni yanada asosli qiladi.

Sifat kafolat sifatida
Markirovka, shuningdek, mahsulotning sifatini aniqlash imkonini beradi. Ba’zi mahsulotlarda xavf tug‘diruvchi qo‘shimchalar – bo‘yoqlar, konservantlar va zararli qo‘shimchalar bo‘lishi mumkin. Markirovka yordamida tarkibni va sifat standartlariga muvofiqligini tezda bilib olish mumkin. Bu, ayniqsa, o‘z sog‘lig‘i va oilasi farovonligi haqida qayg‘uradigan barcha uchun muhimdir.

Raqamli markirovka: kelajak allaqachon shu yerda
Raqamli markirovka shaffof bozor sari qo‘yilgan qadamdir. U iste’molchilarni soxta mahsulotlardan himoya qiladi va sifatli mahsulotlarni qidirishni osonlashtiradi. O‘zbekistonda ushbu tizim faol ishlamoqda va markirovka qilinishi kerak bo‘lgan tovarlar toifalari ro‘yxati doimiy ravishda o‘sib bormoqda.

Markirovka nafaqat iste’molchilar uchun qulaylik, balki insofsiz ishlab chiqaruvchilarga qarshi kuchli vositadir. Endi chakana savdo sotuvchilari xaridorlarni chalg‘ita olishmaydi. Natijada hamma yutadi: iste’molchilar ham, bozorning insofli ishtirokchilari ham.