O‘zbekiston iste’molchilar huquqlarini himoya qilish jamiyatlari federatsiyasi bozorlardagi narx-navoni o‘rgandi. 

2022-yil 21aprel holatiga ko‘ra:

Mol go‘shti 45 000 so‘mdan – 85 000 so‘mgacha 

Eng arzon narx Qoraqalpog‘iston Respublikasi  markaziy dehqon bozori va Toshkent  shahridagi markaziy bozorlarda kuzatildi. Ushbu bozorlarda 1 kg. mol go‘shtining narxi 45 000 so‘mdan – 49 000 so‘mgacha sotilmoqda.

Bir kilogramm mol go‘shti uchun eng qimmat narx Qashqadaryo viloyati, Samarqand viloyati,Toshkent viloyati markaziy dehqon bozorida kuzatildi – 1 kg. mol  go‘shti – 75 000 dan 85 000 so‘mgacha

Qo‘y go‘shti 40 000 so‘mdan – 86990 so‘mgacha 

Eng arzon narx 1 kg. qo‘y go‘shti uchun Qoraqalpog‘iston Respublikasi, Buxoro viloyati, Jizzax viloyati markaziy bozorlarida qayd etildi. Bu yerda siz 1 kg qo‘y go‘shtini 40 000 dan 45 000 so‘mgacha xarid qilishingiz mumkin.

Eng qimmat narx bu haftada Toshkent viloyati, Toshkent shahri va Qashqadaryo viloyati markaziy dehqon bozorida kuzatildi – 1 kg. qo‘y go‘shti – 86990 so‘mdan 80 000 so‘mgacha. 

Tovuq go‘shti 10 000 so‘mdan – 38 000 so‘mgacha 

Eng arzon narx Qoraqalpog‘iston markaziy dehqon bozori hamda Xorazm Urganch Markaziy dehqon bozorida qayd etildi – 10 000 so‘mdan – 15 000 so‘mgacha.

Eng qimmat narxdagi tovuq go‘shti esa Toshket shahar Markaziy dehqon bozori, hamda Samarqand viloyati Markaziy dehqon bozorlarida kuzatildi – 30000 – 38000 so‘m.

Guruch 3 000 so‘mdan – 17 000 so‘mgacha 

Eng arzon narx Qorqalpog‘iston dehqon bozori va Xorazm viloyati, Jizzax viloyati Markaziy bozorlarida qayd etilgan – 3000 – 6 000 so‘m.

 Eng qimmat narx Toshkent viloyati, Sirdaryo viloyati, Navoiy viloyati markaziy dehqon bozorida kuzatilgan – 16 000 – 17 000 so‘m.

 O‘simlik yog‘i 16 000 so‘mdan – 25 500 so‘mgacha 

Eng arzon o‘simlik yog‘i Farg‘ona viloyati, Xorazm viloyati, Buxoro viloyati markaziy bozorlarida kuzatildi. Bu yerda siz o‘simlik yog‘ini 16 000 so‘mdan – 17 000 so‘mgacha xarid qilishingiz mumkin.

Eng qimmat narx Toshkent viloyati Markaziy dehqon bozorida qayd etilgan – 23 000 dan 25 500 so‘mgacha.

Un (Mahalliy oliy navli un) 2800 so‘mdan – 11 000 so‘mgacha

Eng arzon narxdagi mahalliy oliy navli un Qoraqalpog‘iston Respublikasi,Andijon viloyati,Farg‘ona viloyati Markaziy dehqon bozorida kuzatildi. Bu yerda siz 1 kilogramm mahalliy oliy navli un uchun 2 600 so‘mdan-3000so‘mgacha to‘lashingiz zarur bo‘ladi.

Eng qimmat narx 1 kilogramm oliy navli un Toshkent viloyati Markaziy bozorida qayd etildi – 11000 so‘m.

Mahalliy 1-navli un 1500-9000 so‘mgacha

1-navli unning kilogrammi uchun eng arzon narx Qoraqalpog‘iston Respublikasi, Andijon va Namangan viloyati dehqon bozorlarida qayd etildi — bu summa 2600-2800 so‘mni tashkil qilmoqda.

1-navli unning kilogrammi uchun esa eng qimmat narx Toshkent viloyati Markaziy dehqon bozorida kuzatildi – 9000 so‘mgacha.

Shakar 8000 so‘mdan – 13 500 so‘mgacha 

Eng arzon narx Qoraqalpog‘iston Respublikasi va Jizzax viloyati Markaziy dehqon bozorida kuzatildi – 8000 – 8500so‘m. 

1 kg shakar uchun eng qimmat narx Surxondaryo viloyatida kuzatilib,13 500 so‘mgacha ko‘tarilgan.

 Tuxum 600 so‘mdan – 1500so‘mgacha 

Respublikamiz bozorlarida 1 dona tovuq tuxum uchun eng arzon narx Andijon viloyati, Namangan viloyati, Xorazm viloyati markaziy dehqon bozorlarida  kuzatildi 600 - 700 so‘mdan xarid qilishingiz mumkin.

1 dona tuxum uchun eng qimmat narx poytaxtimizning dehqon bozorlarida qayd etildi — 1500 so‘m.

Kartoshka 2500 so‘mdan – 15 000 so‘mgacha 

Eng arzon narx Qoraqalpog‘iston Respublikasi markaziy dehqon bozori, Jizzax viloyati dehqon bozori, Toshkent viloyati markaziy dehqon bozorida qayd etildi – 2500-2800 so‘mdan sotilmoqda.

1 kilogramm kartoshka uchun eng qimmat narx Toshket shahri dehqon bozorida kuzatildi –15000so‘mgacha ko‘tarilgan.

Pomidor 10000 so‘mdan – 26950 so‘mgacha

Eng arzon narx Qoraqalpog‘iston Respublikasi, Jizzax viloyati, Xorazm viloyati markaziy dehqon bozorida kuzatildi -10000so‘mdan – 12000 so‘mgacha.

Eng qimmat narx esa Toshkent viloyati va Toshkent shahri dehqon bozorlarida qayd etildi – 26000-26950 so‘mgacha sotilmoqda. 

Piyoz 1000-7000 so‘mgacha

Eng arzon narx Qoraqalpog‘iston Respublikasi, Andijon va Namangan viloyatlari Markaziy dehqon bozorida kuzatildi -1000-1500so‘mgacha.

Eng qimmat narx 1 kg piyoz uchun Navoiy viloyati dehqon bozorida qayd etildi –7000so‘mgacha sotilmoqda. 

Bodring 4000-30000 so‘mgacha

Eng arzon narx Qoraqalpog‘iston Respublikasi va Farg‘ona viloyati Markaziy bozorlarida kuzatildi- 1 kg bodring 4000 so‘mdan.

Eng qimmat narx-Toshkent shahri Markaziy bozorlarida bo‘lib-30000 so‘mgacha bo‘lgan.