Alisher Usmonov ko‘magida Namanganda osmono‘par bino quriladi
Taniqli tadbirkor va asli kelib chiqishi o‘zbekistonlik bo‘lgan milliarder Alisher Usmonov ko‘magida Namanganda 18 qavatli biznes-markaz quriladi. Bu haqda «Sputnik» xabar berdi.
Bugun, 7-iyun kuni «Doing business with Namangan - 2019» xalqaro investitsiya forumi o‘z ish faoliyati boshladi.
Tadbir ochilishida Namangan viloyati investitsiya salohiyati haqida viloyati hokimi Xayrulla Bozorov forum qatnashchilariga ma’lumot berdi.
«Namangan shahrida Alisher Burxonovich yordamida qurilayotgan zamonaviy kongress zaliga ega, jahon talablariga javob beradigan 18 qavatli biznes-markaz to‘g‘risida ma’lumot berishdan xursandmiz», — dedi Bozorov.
Tadbirda 40 ga yaqin davlatdan 300 ga yaqin xorijiy kompaniya vakillari qatnashmoqda.
Forum doirasida 320 million dollarlik investitsiya shartnomalar imzolash rejalashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter