Android qurilmalar uchun Xabar.uz mobil ilovasi. Yuklab olish ×

Qonunchilikda o‘zgarish: endi qalbaki «xodim» jazolanadi

Qonunchilikda o‘zgarish: endi qalbaki «xodim» jazolanadi

Foto: «Sof.uz»

Ma’muriy javobgarlik to‘g‘risidagi kodeks 2091-modda bilan to‘ldirildi. Ya’ni endilikda vazirliklar, idoralar va tashkilotlar xodimlarining formali kiyim-boshini qonunga xilof ravishda kiyib yurish uchun ma’muriy javobgarlik qo‘llaniladi.

Jumladan, formali kiyim-bosh kiyib yurishi nazarda tutilgan vazirliklar, idoralar va tashkilotlar harbiy xizmatchilari hamda xodimlarining tasdiqlangan namunadagi harbiy, idoraviy va maxsus formali kiyim-boshni bunday huquqqa ega bo‘lmagan shaxslar tomonidan kiyib yurish formali kiyim-boshni musodara qilib, eng kam ish haqining ikki baravaridan besh baravarigacha miqdorda jarima solishga sabab bo‘ladi.

Bu haqda O‘zbekiston Prezidenti tomonidan 2018-yil 3-yanvar kuni imzolangan «Ayrim davlat organlari faoliyati takomillashtirilishi, shuningdek, fuqarolarning huquqlari va erkinliklarini himoya qilish kafolatlarini ta’minlashga doir qo‘shimcha chora-tadbirlar qabul qilinishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»gi qonunda tanishish mumkin.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring