«Adiblar xiyoboni» atrofida qurollangan shaxs qo‘lga olindi
Joriy yilning 11 iyun kuni soat 20:00 da PPX xodimlari Sh.Normaxamatov va I.Mirzamaxmudovlar qurol olib yurgan shaxsni qo‘lga olishdi.
Safdorlar Chilonzor tumani, «Adiblar xiyoboni» avtoturargohi oldida bemaqsad turgan fuqaroni ko‘rib, shaxsiga oydinlik kiritish uchun oldiga boradi. Ammo u xodimlarni ko‘rib qochishga urinadi.
Tezkorlik bilan ushbu shaxs ushlanib, Chilonzor tumani 3-sonli IIBga olib borib shaxsi tekshirildi. Tekshiruv asnosida ushbu fuqaro Toshkent shahar, Mirzo Ulug‘bek tumani, M.Ulug‘bek ko‘chasi, 111-uyda yashovchi 1983 y.t. M.Toshqodirov ekanligi aniqlanib, xolislar ishtirokida tintuv o‘tkazildi.
Tintuv vaqtida M. Toshqodirovga tegishli sumka ichida tegishli hujjati bo‘lmagan pnevmatik o‘q otar quroli borligi aniqlangan.
Hozirda ushbu holat yuzasidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter