Shahrisabzda gaz ballonidan chaqnash chiqdi. Ikki ayol jarohat oldi
Shu yilning 15-iyul kuni Qashqadaryo viloyati Shahrisabz shahri Chilonzor ko‘chasida joylashgan «Kesh-Kristal» xususiy korxonasiga qarashli qandolat mahsulotlarini ishlab chiqarish sexidagi suyultirilgan gaz balloni jo‘mragi otilib ketishi oqibatida gaz sizib chiqib, chaqnash sodir bo‘lgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berishicha, hodisa oqibatida sex ishchilari — Shahrisabz shahrida yashovchi N.X. va D.Sh. ismli ayollar kuyish jarohatlari olib, kasalxonaga yotqizilganlar. Hodisa yuzasidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter